ياهو

منظومه بلند آذربایجان         

استاد رحیم دیندار (کامران)

((سن آذربایجانیم سان))

گه رک بیلسین بوگون ائللر منیم بیر نلزلی یاریم وار

منیم  غم  گؤنده  غم خواریم  چمنده  گؤلعذاریم  وار

أسنده  قاره  یئل  کؤنلیم  تاپار  باغرونده  آرامش

دئم بیلسین جاهان سن تک منیم چشم خومارم وار

یوخمدور قورخو غم لردن گله قوی غمده غم اوسته

منیم بو فانی دونیاده سنین تک غم گساریم وار

خزان گوی ایله سین جولان یاشیل یاپراقلاریم سولسون

نه قورخوم واردی عالمده سنین تک نوبهاریم وار

دوداقون    اگر  ئوپسم  یئتر  دردیم ده  درمانه

ئوزون آیدی لبون غنچه بوجور نازلی نگاریم وار

بو شوکتده بو عززتده  اولامماز  نازلی  بیر دلبر

یاریمدی  آذربایجان  بوجور شانلی  دیاریم  وار  

      وطن گر اولسا بیر پیکر اونا باش سان اونا جان

                        سن   آذربایجانیم  سان   سنین   تک   تاجداریم  وار

د یل  آچسا سسلر ایرانیم کی سنسیز آذربایجان

یؤخومدور هئچ زادیم امما سن اولسون هر نه واریم وار

وطن  تیترتمییه  دوشمز  چکه   عالم  اگر لشگر

کی سن تک آخیرایراندا بؤیوک بیرقلعه داریم وار

شجاعتده  سنی توصیف  ائدممز  عارف و عامی

دئیم قوی بیلسین ائلرده منیم عالی تباریم وار

سنی أود سسلیر ائللر دئیللر  معدن أود سان

نه خوفیم واردی ظلمتدن کینور آشکاریم وار

دئیم سردار مللی دن کی ستارخان دئیر ائللر

ائدیب   مشروطه نی بر پا بؤجوربیر تک سواریم وار

سنیس ستارخانون شهرت تاپیب باقرخانون عززت

بئله سردار وسالاردان  جاهاندا جان   نثاریم  وار

قیام  ائدی  سنین   یولدا   وطنده  ایلدی   غوغا

خیابانی   تکین سئوله جاهاندا جان نثاریم وار

دئیم  سردار   بابک دن  دلاور آذری   دیلدن

سپر ائدی جانین جانا  بؤجور دشمن شکاریم وار

نبی دن قوی دئیم ائدی ستملن جنگ أون بش ائیل

هاوار چک دی دئدی ظالم سنیله کارزاریم وار

آرازدان قوی دئیم گؤرجک کؤنول قان آغلیار سئولر

صمد اولدی  سارا گئدی  بو غمدن دل فکارم وار

ساوالان دا اوجا داغلار وئریب لر باش باشا داغلار

قؤجاقینده  بؤداغلارین بؤیوک بیر لاله زاریم وار

سهندین چشمه سی جوشقان آخار سئللر ائدر طوفان

اولار ئولکمده بیر دریا بو سئللر دن سولاریم وار

عاشیقلرین  ناقیللاری  أوسازلاردان   نواخوانی

ده بئردی  روح  انسانی  جاهاندا   یادگاریم وار

عاشیق عبدلعلی دن  یا   ثریادن علی عسگردن

جاهانه موسقیده چوخ  منیم عزز  و وقاریم وار

وجودیم  اولسا هریاندا  سنی سسلر بو   عالمده

اگر کفر اولماسا بو سوز سنین تک کردگاریم وار

قلم سئولر نجور یازسین سنون عرفان وشعرونن

قلم هردم  دئیر سندن  منیم  دار  و نداریم  وار

نظامیدن  دئیم  سئوزلر  و  یا خاقانی شا عر دن

کی حسّان  عجم اولدی  بؤیوک  بیر یادگاریم  وار

ظهیرون واردی قطرانون همام تک دوزلی بیر شاعر

فضولی تک ادیبون واردی    واحد تک هزارم وار

أوزه   دریای    صائبده  نجور بو  ناتوان  کؤنلوم

أشیق قوی اوحدی  سالسین  بو  دریاده  کناریم وار

آدی   پرویندی عالمده   اولوب   اولگو نصیحت ده

وطن  جسمینده  جانینده بؤجور  بیر شاه    داماریم وار

بؤگون عرفان دنیزینده گه زه قوی شمس تبریزی

مریدی مولوی اولموش أونون تک پیشکاریم وار

نه تنها شمس أوچور گؤیده گزیر دریالر أوستونده

مقدس   اردبیلی دن    کرامت  بی شماریم  وار

اوشاقی ساخلیب گؤیده بوگون   حممال تبریزی

زیارتگه   اولوب قبری   بوجور زیبا مزاریم وار

شهادت تاپدی باغرونده نسیمی تک بؤیوک عارف

اونی درک ائدمه دی زاهد أوگوندن آه وزاریم وار

سنین گولشنده بیر قمری أوخور حیدر بابا سسلیر

دئنن بیلسین جاهان اهلی بویئرده شهریاریم وار

اگر دونیا  اولا   گولشن نیازیم یوخ اوگولزاره

سنین تک یئدی اقلیمده  بهشت استواریم  وار

سنین بیر ذره تپراغون ده یر مین گنج قارونه

نه لازیم دور منه گوهر کی دُرر شاهواریم وار

ممالک هربیری تک تک امیر اولسا بو عالمده

سنین  تک  ملک  ایراندا  امیر   نامداریم وار

قمارعشقیده   مجنون  أوتوزدی ئوز  وجودینده

أوتوز سین قوی کؤنول جانی دئیم منده قماریم وار

گؤرچین احساسون واردی دوزممزسن بیزیم درده

بیزه  قصد ائدسه  دوشمنلر نه  قورخوم شه سواریم وار

اگرسن اولماسون جانیم نه لازیم دور بو عالمده

سنیلن  زنده دور  جانیم  سنیلن  روزگازیم وار

                   ادممز   مدح     اغیاری  سنی  گوی    ایده کامران

کی  بیر  آزاده   شاعیردی  جاهاندا افتخاریم وار

نظرات شما عزیزان:

نام :

آدرس ایمیل:

وب سایت/بلاگ :

متن پیام:

نظر خصوصی

 کد را وارد نمایید:

 

 

 

عکس شما

آپلود عکس دلخواه: