استاد رحیم دیندار (کامران)

ایلیر  محنت   هیجرون   منه  جولان  گئجه لر

هی اولور غمزده بو    بزمیده طوفان گئجه لر

ای  جماعت  یتیشین  دادیمه   بیر  چاره  قیلون

کونلومی  نالان ائدر بیر ده لی جیران گئجه لر

دشتی رویا  ده  گزیر خسته  و  آشفته  کونول

آتش هیجرون ائدیب سینه می سوزان گئجه لر

ایله مه درد   و غمیلن    منی همدم  گوزه لیم

آتش هیجرون ائدیر کلبه می ویران گئجه لر

یئل آچر یئل اوتری کلبه مین ای گول قاپسین

بو ائویم سن سیز اولوبدور منه زندان گئجه لر

یوخدی بیر محرمه رازیم کی دیه سئوگیلیمه

سن دوشنده  یادیما کونلیم  اولور قان گئجه لر

باخورام صبحه جن اولدوزلارا  یاریم    گله جک

اولاجاق همدمیم  اول  شمع  شبستان  گئجه لر

سن خسوف ایله دون آی تک ائله دون کلبه می تار

گل  گینن   گل  کی  منِّور   اولا     ایوان     گئجه لر

گئجه ده چوخدی فضیلت   گوزه لیم   حکمتی وار

اهل عرفان  لار اولوب همدمی جانان   گئجه لر

عاجزم توصیف ائدم من   گئجه   نین   حکمتینی

یه تی مه  همدم  اولوب  ناطق    قرآن گئجه لر

کامرانین   طایر  طبعی   گئجه لر   گویا   اولار

             نیلیم   تدوین   اولور   دفتر   و  دیوان گئجه لر 

نظرات شما عزیزان:

نام :

آدرس ایمیل:

وب سایت/بلاگ :

متن پیام:

نظر خصوصی

 کد را وارد نمایید:

 

 

 

عکس شما

آپلود عکس دلخواه: