آمار
وب سایت:
هارا گئددین
استاد رحیم دیندار(کامران)
ای نازلی صنم آی ده لی جیران هارا گئدون
سنسیز کونولیم ایلیر افغان هارا گئددین
سنسیز داها میخانه ده پیمانه دولانماز
جانیم سنه ا ی جان اولا قوربان هارا گئددین
گل سئوله نه دن شامی غمیم ده اوفول ائدون
سئولر کونولیم ای مه تابان هارا گئددین
هیجرون گوزلیم آغ گونیمی ایله دی قاره
ای راحت جان شمع شبستان هارا گئددین
گول زار وجودیم ده أسیل لر قارا یئل لر
سنسیز منه غم ایله دی طوفان هارا گئددین
گل دیم گوزلیم کوی وه گوردیم اثرین یوخ
کونلوم دیل آچوب سئوله دی ای جان هارا گئددین
هیجران اوخ آتیب ایله دی بو باغریمی شان شان
دونیانی منه ایله دی زندان هارا گئددین
نیلیم کی آخار گوز یاشی هیجرون ده دمادم
القانه چونیب دیده گریان هارا گئددین
گول خانه مه سنسیز گوزلیم قاره یئل أسدی
گولخانه اولوب کلبه احزان هارا گئددین
هیجران اوخن آتدون منی آماج غم ائدون
آی قاشی کمان اوخلاری مژگان هارا گئددین
زنجیر تکین بنده چکیب دور منی زولفون
طوفانلی هوا ده کونولیم کشتی ده قالدی
دریای غمون اولدی خروشان هارا گئددین
عشقفونده گوزل اولدی صفاهان منه موطن
دور گل گول آچوب ملک صفاهان هارا گئددین
گلواژه شعریم شبی هیجرانی ده صولدی
قوربانین اولا دفتر و دیوان ها را گئددین
غم خیمه وروب تیغ فراقون منی یاردی
کامرانون اولوب قانینه غلتان هارا گئددین
.gif)
دار گونده
جانانیم
گئدیر
استاد رحیم دیندار(کامران)
گؤیللره دریایه دشته آه و افغانیم گئدیر
ای گوزل گئد مه دایان سنلن دل و جانیم گئدیر
گئدمه پوزغون حالیمی درد و غمه یار ایلمه
رحم ائد یئدی سمایه داد و افغانیم گئدیر
عنبر افشانی چمن سن ای باهاره جان فزا
اولما راضی سئولیم کی عنبر افشانیم گئدیر
سن دنیز سن حسنیده اول لاله اوزلر قطره آب
نینی یم من قطره بارانی کی عمانیم گئدیر
سن گوزللره اولکسینده بیر ایشقلی ماهیدون
نینی یم اولدوز لاری اول ماه تابانیم گئدیر
لاله اوزلر ملکینین تاجی دون ای زیبا صنم
گرائدم شیون روا دور چون کی سلطانیم گئدیر
یوسف عشقیدون ای گول منده یعقوب زمان
نینی یم کنعان دیارین ماه کنعانیم گئدیر
گورمیب بیچاره کونلیم سن تکین شیرین زبان
رحم قیل گل یانیمه قویما دیم جانیم گئدیر
سن گوزل جیرانه من بو دشتیده حیرانی دیم
نینی یم من کوه و دشتی چون کی جیرانیم گئدیر
کوکب بختیم اوفول ائدی گونیم اولدی قارا
حالیمه قان غلیون دار گونده جانانیم گئدیر
مهر رخشانیم سنیدون مابقی شمع و چراغ
نینی یم شمع و چراغی مهر رخشانیم گئدیر
اولماسا ساقی دولان ماز باده لر میخانه ده
باغلیون میخانه نی چون باده گردانیم گئدیر
سن منیم ایمانمی دون سجده گاه عشقیده
نینی یم من سجده گاهی چونکه ایمانیم گئدیر
چرخ بدسیرت اولوب دنیا منه یار اولمادی
گلشن بختیم سارال دی چون کی باغ بانیم گئدیر
کامرانین الهام بخشی ای فلک ترک ایلیر
طبع شعریم بیرده جوشماز مرغ دستانیم گئدیر
نظرات شما عزیزان:
خیلی خوب بود.مخصوصا آهنگ وبلاگتون
پاسخ: با تشکر از شما مدیریت وب عاشقانه و ممنون از باز دیدتان وب شما را لینک کردم
برچسب‌ها: استاد رحیم دیندار(کامران) دو غزل ترکی هارا گئددین دار گونده جانانیم گئدیر
خبرنامه وب سایت:
